(تهنئه بمناسبة العام الدراسي الجديد) كل عام وانتم ناجحين وباذن الله دايما متفوقين

السلام عليكم ورحمة الله وبركاته





اولا:



احب اني اهنيكم جميعا بمناسبة العام الدراسي الجديد واتمنالكم التوفيق جميعا مش في الدراسه وبس لا في كل



حاجه وربنا معاكم.

*********************************

ثانيا:

احب برده اني احكي لكم علي اللي حصل اول يوم في الدراسه بجد كان يوم جميل اوي اوي اوي مليان بالشوق واللهفه

وخصوصا اني في الاجازة قربت من زمايلي بس لما وصلت للمدرسه وكنت لسه واقفه امام المدرسه لقيت اكتر من

10بنات اصدقائي طبعا جااااين عليا بسرعه جدااااا لدرجة اني اتخضيييييت كنت هجري فلقيت واحده بتقول اسرااااااااء

وصلت يا رجاله فقلت لها:هو انا كنت هربانه ولا ايه طبعا سلمت علي اصحابي كلهم

وقعدنا نهزر كلنا مع بعض اول يوم في الدراسه بقي نتدلع براحتنا

وطبعا قعدت انا واصحابي اول ما دخلنا الفصل

عملنا حريقه في الفصل مش نارلاالكلام وكدا يعني الابله معرفتشي تشرح اي حاجه خاااالص بسببنا كل كلمة

تقولها لازم نعلق عليها لحد ما كرهت نفسها

بس في الاخر كانت هتقوم تقتلنا بقي اخر ما زهقت سابت الفصل وخرجت بس فرحنا اوي وقتها

وبعدها العفرته اشتغلت ودخلت مدرسه تانيه بس يا خسارة معرفناش نطفشها زي اولى اهئ اهئ اهئ

بس علي مين دا احنا رجاله بس المرة دي بقي احنا اللي سيبنا الفصل وخرجنا اصلها كانت هتنفخنا دي خرستنا

حكمت علينا مش نتكلم خالص فاضطرينا اننا نعمل بقي زي باقي البنات ونقعد ساكتين

يلا بقي ربنا يسامحها حرمتنا من الكلام والرغي الكتييييير اللي مش بيخلص عندنا

وفي النها يه علشان مش تدعوا عليا بجد بجد كان يوم هااااااااااايل كان يوم جميل اوي وبالرغم من كل دا

برده كنت رسماله صورة اجمل وكنت متخيلاة هيكون حاجه تانيه خالص بس الحمد لله بقي

***********************************

بجد بجد كان يوم جميل اوي اصحابي كانوا وحشوني اوي

بس الحمد لله الدرسه بدات وباذن الله مش هنتفارق تاني ابدا بجد الصداقه دي احساس جميل اوي الحمد لله علي نعمة

الصداقه

بس فرحانه اوي ان الدراسه بدات اخيرا هنرجع للمشاغبه تاني بالرغم من اني والله

بكون هاديه خالص في الحصص دا انا بريئه واعمل حريقه

لا بجد بجد انا بكون هاديه خااااااااااالص ولو مش مصدقيني تعالوا اسالواالمدرسين اللي مش بيدخلوا الفصل هيقولوا لكم اني معايا حق

**************************************

المهم بقي سيبكم من الكلام الفاضي دا كله وقولوا اااامين ورايا

ربنا يوفقنا جميعا السنه دي وكلنا نجيب اعلي المجاميع واجمل التقديرات

اللهم اعد هذا العام علينا بكل الخيروالبهجه والسرور

اللهم ارحمنا واللهم احفظنا الا نعصيك

اللهم زد تألف قلوبنا

اللهم انك عفو كريم تحب العفو فاعف عنا

اللهم اهدينا واصلح بالنا

*******************************

اسيبكم بقي علشان مش تدعوا عليا انا عارفه والله انتوا بتقولوا عليا

ايه دلوقتي قاعدين تقولوا:ايه البت الرخمه دي ياربي علي الرغي هي مبتزهقشي ولا ايه ربنا يكون

في عون اللي موجودين معاها ايه دا ياربي ايه الرزاله دي عارفه والله يا جماعه سامعاكم سامعاكم ماشي ماشي هزؤني كمان

بس برده هرجع واقللكم :

ربنا يوفقكم يا احلي مدونين واحلي زوار

اسفه بقي اني طولت عليكم

بالله عليكم ادعوا لي

في رعاية الله وحفظه

السلام عليكم ورحمة الله وبركاته

رمضان كريم

السلام عليكم ورحمة الله وبركاته











في البدايه :



احب ان اهنيكم بهذا الشهر المبارك اعاده الله علينا وعليكم بالخير واليمن والبركات




وباذن الله نحاول باقصي وبكل طاقتنا اننا نرضي المولى عز وجل في هذا الشهر المبارك



نقيم الليل و نقدم لربنا احلي صيام و نكثر من قراءة القران في مثل هذه الايام


المباركه و نكثر من الدعاء (ولا ننسي ان من الدعوات المستجابه باذن الله دعوة


الصائم عند الفطور)

وبمعني اصح وبالاختصار الشديد نحاول نرضي ربنا بأي شئ ايا كان


واللهم بلغنا رمضان وبارك لنا جميعا في هذا الشهر المبارك اعاده الله علي الامه



الاسلاميه بالخير واليمن والبركات



واسال الله ان يهدينا ويهديكم الي الطريق الصحيح طريق الهدايه


وياريت مش نعطي فرصه لاي حاجه انها تعطلنا عن الذكر وعن الطاعه



وخاب وخسر وخاب وخسر وخاب وخسر واكررها مليون مرة


من ادرك رمضان ولم يغفر له




انه شهر: اوله رحمه واوسطه مغفره واخره عتق من النار



واسفه اني طولت عليكم





وكل عام وانتم الي الله اقرب وعلي طاعته ادوم ومن الجنة اقرب والنار ابعد




اسال الله ان يجعلنا من عبادة الصالحين واسال الله ان يرحمنا ويرحمكم


ولا تنسوني من صالح دعائكم




السلام عليكم ورحمة الله وبركاته