BLOGGER TEMPLATES AND TWITTER BACKGROUNDS »

الجمعة، 5 يونيو 2009

تاج الاحلام


السلام عليكم ورحمة الله وبركاته

يارب تكونوا بخير يا اجمل مدونين

اولا:

باركولي بأني طلعت الاولي علي المدرسه والبلد

بفضل الله

ودلوقتي اخيرا كبرت وبقيت في الاعدادي

الحمد لله

*************************

ثانيا:

معايا تاج النهارده من

عاشقة الاحزان صاحبة مدونة _(الاحـــ ايناس ــــزان)_

انا اللي اخدته بدون اهداء يعني

طبعا ميغلاش عليا

هههههههه

حبيت اكشف القناع عن احلامي .... وافضفض معاكم

واقللكم احلامي

نبدأ بقي

_*بسم الله الرحمن الرحيم* _

س1/

أذكر خمس أحلام على الاقل ..تخص ماضيك وتحلم فيها بتغيير اشياء

جـ1/

*اول حلم :

حلمت بأني اكبر واكبر واتحمل مسئولية والكل يعمللي اعتبار ومبقاش طفله لدرجة اني حرمت نفسي من الطفوله وكنت دايما بحسس نفسي اني كبيره واسبق سني والحمد لله حققته وعرفت الكل اني كبيره وعاقله رغم صغر سني

الحمد لله والشكر لله

*تاني حلم :

حلمت بأني اسيب بصمه في مدرستي الابتدائيه وتكون بصمه كويسه وحميله والحمد لله قدرت اني امنع الغش في الامتحانات لاني دي بتضايقني اوي اوي اوي ومش بحبها خالص والحمد لله ربنا وفقني وقدرت اعمل كدا في امتحانات سنه6 طول السنه لدرجه ان المدرس اللي كان ناوي يغشش وبدأ يغشش في الترم الاول مجاش المدرسه خالص في الترم التاني بعد اللي حصلله والمدرسين كلهم استغربوا ازاي انا منعت الغش من اللجان كلها بالرغم من اني صغيره

الحمد لله الذي بنعمته تتم الصالحات

*ثالث حلم:

ياما حلمت يكون ليا اصدقاء اوفياء ونبقي اصدقاء طول العمر حلمت بصحبه صالحه كلها حب في الله ووفاء واخلاص وكل حاجه حلوه وحلمت اني اغير أي صفه مش حلوه في صديقاتي من غير ما يحسوا ومن غير ما اجرحها ومن غير ما حد يعرف لكن صادقت واحده وغدرت وجرحت وخانت وغيرها اتنين كانوا بتوع مصلحتهم فسبتهم وفوضت امري الي الله

الحمد لله الذي لا يحمد علي مكروه سواه

*رابع حلم:

حلمت اني امحي الظلم والحقد والكراهيه والشر والغدر من قلوب الناس وابدلها بخير وحب وحنان وخير واخلاص ووفاء وافوز بحب ربي والناس ياااااااه وقتها هتبقي جميله اوي الحياه

ياااااااااارب حققهالي

* خامس حلم:

حلمت اني اسعد سيده عظيمه (ماما) اللي حنانها مالوش حدود زي البحر الفياض و رجل عظيم اللي هو حبيبي وحياتي كلها اللي هو والدي العزيز (بابا) حلمت اني اهون عليه غربته وبعده عننا واعرفه ان هو عنده بنت مقدره تعبه وشقاه علشان يوفر لرعيته اجمل حياه واسعد حياه ويوفرلهم الامن والرخاء بأني اكون دكتوره متفوقه واتفوق في كل سنين دراستي والحمد لله حققت جزء من دا بأني طلعت الاولي السنه دي علي البلد كلها متتصوروش فرحته كانت اد ايه

يارب دوم فرحته دي وقدرني علي اسعاد بابا وماما

************************************

س2/

أذكر خمس أحلام على الأقل ..تخص مستقبلك

جـــ2/

*اول حلم:

اني ارضي ربنا واعيش حياه طيبه كلها ايمان وتقوي وحب لله واني اموت شهيده واتمتع بلقاء الرسول *صلي الله عليه وسلم* وزوجاته وصحابته وخير ما اتمني هو لقاء ربي والاستمتاع برؤية وجهه الكريم

*ثاني حلم:

اني اكون دكتورة اطفال ناجحه ان شاء الله

واني اكون الاولى دايما في كل السنين

واثبت ان المرأه المسلمه لم تخلق للمنزل فقط

فهي بارعه في كل مجال

واني اثبت وجودي في أي مكان اكون فيه

واثبت اني انسانه ناجحه ومتفوقه

وما توفيقي الا بالله

*ثالث حلم:

اني اكون زوجه صالحه لزوج صالح يحبني ويكرمني ويصونني وبار بوالديه و يخاف ربنا ويخشاه

وان شاء الله انشئ ابنائي علي طاعة الرحمن وحبه

وانشئ جيل مسلم بجد يعيد مجد الاسلام

ويحرر الاقصي ويعيد امجادنا

واتمني ان يرزقني الله الذريه الصالحه والزوج الصالح

*رابع حلم:

اني اغير الدنيا دي

ايوه اغير الدنيا دي امحي منها الظلم و الفساد

ابنيها من جديد علي شرع ربنا وعلي القران

افوق الناس من اللي هما فيه من تأخر وتخلف

وبعد عن ما جد في الدنيا بحلم اننا نعود احرار بقي

كفايه ذل واحتكار واستعمار

يارب نصرك الذي وعدت

*خامس حلم:

ان يتحرر المسجد الاقصي وتتحر بلادي

بحلم بأن ابنائي يتعلموا في المسجد الاقصي

بحلم بوطن بلون الورود وطن كله امن وسلام

*سادس حلم بقي :

بحلم يكون ليا اصدقاء اوفياء مخلصين بجد

صداقه ابديه تكون عن حب في الله

صداقه الي الجنه

........................................

بحلم بحلم بحلم بحلم

مفيش اجمل من الاحلام

**************************************

س3/

أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن

جــ3/

*ريمان..... حبيبةقلبي وروح قلبي

*نعيمه ...... اختي الكبيره وحبيبتي وحياتي

*دينا ...... حبيبتي واختي وعمري

*سهيله ..... صديقتي الوحيده ونور عيوني

*سيد ..... بن عمتي واخويا الكبير وبحكيله كل حاجه

* كل المدونين والمدونات ... اجمل ناس

***********************************

س4/

أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا .. ؟

جـــ4/

*الرسول صلي الله عليه وسلم

*جدتي ..... الله يرحمها

اخوات اكبر مني *

اصدقااااااااااااااء*

*******************************

س5/

تحدث عن ستة أسرار قد لا يكتشفها من يقابلك للمرة الأولى ؟

جـــ5/

*اولا:

طيبه جدااااااااااا .... وقلبي ابيض اوووووووووي

ومتسامحه جداااااااااااااااااااااا

*ثانيا:

خجوله جدااااااااا ..... بس دي بتكون واضحه جدااااااااا

يعني انا ممكن اتكلم علي النت عادي

لكن وانا شايفه اللي بتكلم معاهم وشي بيحمر ومش بعرف اتكلم

*ثالثا:

عصبيه جداااااااااااااااااااااااااااااااااااااااااااااا .... ودي حاجه مش بفتخر بيها وبتتعبني جاااااااااااااااامد

*رابعا:

حبوبه اوووووووووووووووووووي وحنونه اوووووي

..... وسهل جدا ان أي حد يدخل قلبي ..... وبحب الاغي واهزر مع اصحابي وزمايلي واللي قاعدين معايا

*خامسا:

حساسه لدرجه فووووووق الخيال ... وبزعل من أي كلمه مهما كانت صغيره ..... وبزعل من أي تصرف غريب

*سادسا:

جوايا هموم واحزان ومشاكل ملهااااااااش حدود

وغالبا بهزر واضحك مظهر بس من جوايا بيبقي قلبي بيتقطع

وببكي بدل الدموع دم

*سابعا بقي:

لو انا فرحانه وسمعت حاجه حزينه بزعل اوي وبسرعه

لكن لو انا زعلانه وسمعت حاجه تفرحني مش بفرح ومفيش حاجه بتخرجني من زعلي

يعني باختصار ..نكديه..

ههههههههههههههههه

***********************************

واخيرااااااااااااااااااااااااااااااا بقي

س6/

تهدي التاج دا لمييييييييين؟

جـــــ6/

*مدونة اسلامي عنواني

*مدونة النجمه الهادئه

*مدونة امير العذاب

*مدونة وحي القلم

*مدونة تلك الكلمات القاتله

*مدونة اعترافات قلب

*مدونة لسه بفكر

*مدونة عالم مولان

*واي حد عاوز يأخده يتفضله

*واي حد هيشوفه هيتفضله

*********************

ياااااااااااااااااااااااااااه

دا انا رغايه رغي

يا ساااااااااااااااااتر عليا

صدعتكم اكيد

معلش بقي

في رعاية الله

****************************

اختكم في الله /

نور الاسلام



الجمعة، 22 مايو 2009

اشراقة امل

اشرقت الشمس ..... واشرق معها املي

وغربت الشمس .... لكن مازال املي مشرق

رغم صعوبات الحياه ... وقسوة ايامي

اعلم ان لدي رب رءوف رحيم قادر علي ان يغير الاحوال ما بين طرفة عين وانتباهتها

واعلم ان لي احباب لا يمكن انا اري جمال الدنيا بدونهم

واعلم ان لي قلبي مازال يملأه التقوى... والحب ....والامل في شفاء الجروح.....

واعلم ان من المستحيل ان يموت الامل

******** ******* ***********

وها قد عدت لمدونتي عزيزتي

التي من خلالها تشرفت بمعرفة وصحبة احبتي

اختكم في الله /

نور الاسلام


الأربعاء، 6 مايو 2009

حـــــديــــث شـــريـــــف


قال صلي الله عليه وسلم:


(من عشق فعف ثم مات مات شهيدا)


صدق رسول الله صلي الله عليه وسلم


**********************

تخريج السيوطي


‌(‌خط‌)‌ عن عائشة‌.‌


تحقيق الألباني


‌(‌موضوع‌)‌ انظر حديث رقم‌:‌ 5697 في ضعيف الجامع‌.


****************************

شرح هذا الحديث نقلا عن الموسوعة الحديثية المصغرة


من عشق ‌)‌ من يتصوّر حل نكاحه لها شرعاً لا كأمرد ‌(‌ فعف ثم مات ‌،‌ مات شهيداً ‌)‌ أي يكون من شهداء الآخرة لأن العشق وإن كان مبدأه النظر والسماع لكنهما غير موجبين له فهو فعل اللّه بالعبد بلا سبب ‌،‌ ولهذا قال أفلاطون ‌:‌ ما أعلم الهوى غير أني أعلم أنه جنون إلهي لا محمود صاحبه ولا مذموم ‌،‌ وقال بعض الحكماء ‌:‌ العشق طمع يحدث في القلب قهراً ‌،‌ وكلما قوي زاد صاحبه قلقاً وضجراً فيلتهب به الصدر فيحترق الدم فيصير مع الصفراء سوداء وطغيانه يفسد الفكر ويؤدي للجنون فربما مات وقتل نفسه ‌،‌ وإذا كان فعل القلب وأكثر أفعاله ضروريات فلا يؤاخذ به بل يؤجر عليه ‌،‌ والمراد بالعفة العفة عن إيتاء النفس حظها طلباً لراحة قلبه ومتابعة لهوى نفسه ‌،‌ وإن كان في غير محرم وكان صاحبه يأثم ‌،‌ لكن رتبة الشهادة سنية لا تنال إلا بفضيلة كاملة أو بلية شاملة وإنما قارب وصف من عف وصف القتيل في سبيل اللّه لتركه لذة نفسه فكما بذل المجاهد مهجته لإعلاء كلمة اللّه فهذا جاهد نفسه في مخالفة هواها بمحبته للقديم خوفاً ورهبة وإيثاراً على ما يحدث ‌،‌ ذكره في البحر ‌.‌


‌***‌ ‌(‌ خط ‌)‌ في ترجمة عطية بن الفضل ‌(‌ عن عائشة ‌)‌ وفيه أحمد بن محمد بن مسروق أورده الذهبي في الضعفاء وقال ‌:‌ لينه الدارقطني وسويد بن سعيد فإن كان هو الدقاق فقد قال عليّ بن عاصم منكر الحديث وإن كان الذي خرج له مسلم فقد أورده الذهبي في الضعفاء وقال ‌:‌ قال أحمد ‌:‌ متروك وأبو حاتم ‌:‌ صدوق وفيه أيضا


ًأبو يحيى القتات ‌.‌ @ ‌[‌ ص 180 ‌]‌


************************************


قال صلي الله عليه وسلم:


من رأي منكم منكرا فليغيره


صدق رسول الله صلي الله عليه وعلي اله وصحبه وسلم تسليما كثير


ارجوا ممن يري اي خطأ في كلامي ينبهني اليه


وجزاكم الله خيرا


************************************


ارجوا منكم الدعاء لي


بالتوفيق وان يصلح الله لي احوالي


اختكم في الله / نور الاسلام

الخميس، 2 أبريل 2009

كـــــــن مــع الله

مع الله في التوب رغم الهوى …. مع الله في الذنب لما استتر
مع الله في الروح فوق السما …. مع الله في الجسم لما عثر
مع الله في الروح فوق السما …. مع الله في الجسم لما عثر
ينادي يناجي أيا خالقي …. عثرت زللت فأين المفر
مع الله في نسمات الصباح …. وعند المساء في ظلال القم
رمع الله في يقظة في البكور …. مع الله في النوم بعد السهر
مع الله فجرامع الله ظهرا …. مع الله عصرا وعند السحر
مع الله سرا مع الله جهرا …. وحين نجدوحين السمر
مع الله عند رجوع الغريب …. ولقيا الأحبة بعد السفر
مع الله في عبرة النادمين …. مع الله في العبرات الأخر
تبوح وتخبرعن سرها …. وفي طهرها يستحم القمر
مع الله في جاريات الرياح …. تثيرالسحاب فيهمي المطر
فتصحو الحياة ويربو النبات …. وتزهو الزهور ويحلو السمر
مع الله في الجرح لما انمحى …. مع الله في العظم لما انجبر
مع الله في الكرب لما انجلى …. مع الله في الهم لما اندثر
مع الله في سكنات الفؤاد …. وتسليمه بالقضاء والقدر
مع الله في عزمات الجهاد …. تقود الأسود إلى من كفر
مع الله عند التحام الصفوف …. وعند الثبات وبعد الظفر
مع الله حين يثور الضمير …. وتصحو البصيرة يصحو البصر
وعند الركوع وعند الخشوع …. وعند الصفا حين تتلى السور
مع الله قبل انبثاق الحياة …. وبعد الممات وتحت الحفر
مع الله حين نجوز الصراط …. نلوذ نعوذ به من سقر
مع الله في سدرة المنتهى …. مع الله حين يطــيب النظر

الثلاثاء، 17 مارس 2009

المولد النبوي الشريف




السلام عليكم
بجد انا اسفه جدا جدا جدا علي التأخير انا اتأخرت اسبوع تقريبا عن اعظم يوم في تاريخ البشريه كلها.. واجمل يوم في حياتنا بجد مش عارفه اوصف اليوم دا ... يوم بجد غالب علي الوصف يكفي انه يوم ان جاء الهدى واضاء الدنيا بنور الهدايه واخرجنا من الجاهليه ...ومن الظلمات الي النور ....يوم ان امتلأت الارض بالعدل والسلام واضاءت بالهدى ...هو يوم مولد الرسول الهادي الصادق الامين المصطفي ... عليك افضل صلاة وسلام يا سيدي يا رسول الله
لكن ياتري قدرنا نفوز باليوم دا ونحتفل بيه احتفال يكون في ميزان حسناتنا و نحصل به علي شفاعة الرسول الكريم يوم القيامه
والاحتفال الحقيقي هواعادة سنته ومش في اليوم دا بس لا في كل يوم وفي كل ساعه و كل لحظه
؟؟؟؟؟؟؟؟؟؟؟؟؟؟؟
اتمني كدا ..... وانا أهنئكم بجد بأعظم يوم
لكن لحظه من فضلكم.......

تفتكروا لو الرسول –صلي الله عليه وسلم- لو كان عايش دلوقتي كان هيبقي سعيد بحالنا دا؟؟؟؟؟؟؟؟؟؟؟؟؟؟؟
لالالالا ... مافتكرش
تفتكروا كان رد فعله كان هيكون ايه
؟؟؟؟؟؟؟؟؟؟؟؟؟؟؟؟؟؟

لقد تفرقت بل تشتت قبور الصحابة وقبره ليصل الدين الينا
بعد كل ما حدث وبعد كل تضحياته هو وصحابته يكون هذا حال امة الاسلام؟؟؟؟؟؟؟؟؟؟؟؟؟؟؟؟
انه لعار علينا ان يكون هذا حال امة محمد .. امة القراّن .. امة الاسلام.....
اعذروني .... نحن لا نستحق هذه الالقاب
حتي لقب مسلم الموجود بالبطاقة فقط وليس بالقلوب لانستحقه
انه يزين مكان الديانة بالبطاقات فقط ...لا يعمر القلوب
اعذروني ..... لقد عدنا للجاهليه مره اخرى
هذا هو زمن الفتن ... وللاسف يملأنا الرضا بهذا الحال
حتي ان لم يكن يملأنا الرضا .... فإننا يملأنا الضعف والجبن واعتدنا علي الجهل والهزيمه ..لا نستطيع اعادة مجدنا العظيم

اننا نسينا الدين ..... وعشقنا حب الحياه

لازم نعيد امتنا .... محتاجين للقراّن يعود لحكم البلاد ...وينشر العدل من تاني
محتاجين للرسول ولاعادة سنته ..... محتاجين للصحابة محتاجين نكون مسلميييييييين صح ... محتاجين نشيل الاحجار دي ونعيد قلوبنا تاني .. محتاجين لعقولنا تاني

كفايه جهل بقي ............. كفايه ظلام
كفاااااااااااااااااااااااااااااااايه

هي دي وصية الرسل جميعهم لينا ........ هو دا تنفيذ وصيتهم لينا بتقوى الله ؟؟؟؟؟؟؟؟؟؟؟؟؟؟
وقد قال رسول الله –عليه افضل صلاة وسلام- : اني تركت فيكم ما ان تمسكتم به لن تضلوا بعدي ابدا : كتاب الله و سنة رسوله ...
نأسف يا رسولنا الحبيب .... لم نتبع قولك ووصيتك
نعتذر ..... لا اجد ما اقوله
ماذا لو اتي الينا الان وسألنا عن حالنا هذا
ماذا سنقول له؟؟؟؟؟؟؟؟؟؟؟؟؟؟؟
لن نستطيع ان نبرأ انفسنا بل لن تقدر السنتنا علي الحركه
لا حول ولا قوة الا بالله
اعذروني .... فإني بريئة من هذا الزمن الجبان
بريئة من زمن الهوان
لالالالالالالالالالالالالا
اعتذر .....
فنحن نعيب زماننا والعيب فينا
وما في زماننا عيب سوانا

لازم نور الاسلام يعود من التاني يملأ الاوطان ويعمر القلوب
لازم نصلح نفسنا ... لازم يعود الاسلام يحكم البلاد تاني

لازم نفووووووووووووووق
مفيش وقت
لازم نبقي مسلمين صح
لازم نحيي امتنا من تاني
..................
للاسف احنا رجعنا للجاهليه
انه لعاااااار ينتسب الينا
.....
انا حاولت اوضح شويه
لكن مين يسمع ...ومين يتكلم كمان اصلا
؟؟؟؟؟؟؟؟؟؟؟؟؟؟؟

انا يمكن اكون صغيره وعقلي علي ادي ... لكن صدقوني بحاول اصلح او افوق جزء من الناس....
لكن للاسف انا مهما حاولت مش هقدر ....
ودا غير ان اللي بيحاول يصلح حاجه غلط الكل بيقول عليه عاوز يعيشنا في الجاهليه- الي احنا عايشين فيها اصلا- تحت شعار الاسلام ....

لكن اسمعونا بقي ... فاضل ايه علشان نفوق
انتوا اتكلمتم كتير .... واحنا سكتنا كتير ...
دلوقتي الدور عليكم تسمعوا واحنا نتكلم .....
مهما حصل مش هنيأس في اننا نعيد امتنا تاني
ساعدونا ...
حاولوا معانا بقي
كفايه صمت... وذل
ربنا يهدينا جميعا يااااااااااااااااااارب
وجزاكم الله خيرا

ملحوظه: لو شايفين اي غلط في كلامي ياريت توضحوه لاني برضه زي ما انتم عارفين عقلي علي ادي
السلام عليكم